Владимир Аннушкин - История русской риторики. Хрестоматия

Пророчество в нашем веку вещь зело редкая, в старом завете частая и непременная, бысть начинающи убо от Моисеа даже до разорения церкви еросалимской.<… >

Что есть солнце во сьсредине неба между вышними и нижайшими планитами – сие есть чин апостолский в церковь Божию между ветхим и новым заветом. Поучая убо о апостолах, сия преложиши: иже пожиша во времяни щастливейшем от создания мира.<… >

Мученичество вещь паче всего Господу Богу приятнейша есть пострадание верных от насилных мучителей, церковь Божию гонящих и за веру Божию, где коеждо слово от писания сего разсудити подобает.<… >

Исповедники обыкновенно нарицаются иже веру христианскую, от церкви святыя принятую и описанныя по уложению святых вселенских соборов, всехранно и неусумнително исповедают, хранят и обороняют.<… >

Девичество, елице Господу Богу нашему любимое, толице человеком велми трудное, есть основанием же оного стоит на чистоте сердца, уст и дел: сердцем мысли скверные отгоняются, устом своим, да не согрешиши оными, – гранилище положи, малы убо часть плоти человека есть язык, но в великую беду и погибель не токмо временную, но часто и в вечную человека приводит. Тем же яко стену каменную положил Бог зубы пред языком, да не скоро испустиши он на сквернословие, оклеветание и протчие из уст исходящие грехи. Еще же и делом самым чистоту девическую являти подобает, явля(е)т же ся сицевая чистота от закраснения лица, аще слово скверное получится когда слышати, от овращения ушей своих от нечистостых бесед, от воздержания очесей своих в зрению нестыдливом.<… >

Единою всем поучением положити форму неудобь есть, понеже убо формы емлются от правил разных мудростей, а проповедники слова Божия неравно все и во всех мудростях искусни суть. Аще же ученыи некоторые и всех наук искусилися, обаче склонность и воля их ко одной, нежели другой вещи бывает, за тем идет еже по разности разумов человеческих формы разныя умножились.<… >

В начале о первой форме риторской образцы о(т) риторических правил три формы разныя мощно избрати: первая – проповедником слова Божия доволна, вторая – совершенна, третия – изобилующа.

Первая убо форма риторская содержит в себе осмь частей, яже суть: начало, предложение, вины, прилагаем (?) противности, подобия, свидетелства, окончения.

Человек без главы кажется быти поучение без фемы, тем же яко знамена полковыя даются ратным людям.<… >

Аще в один день случится два праздника, например, в день воскресный праздник коего святаго, тогда смотрити подобает, кой праздник болши.<… >

Откуду ни есть фему возмеши, таковую избирай, чтоб без трудов[5] великих могл еси на ней основати поучение, тем же словеса, разумом или недоумеетной имеюща, остави, явственно же возми. Аще же без великих трудов и скоро поучение сотворити хощеши, возми фему, в которой две или три вещи положени суть. <… >

Начало поучения и труднейшая от осми частей первыя формы есть, потому что многия и неописанныя имеет способы и начинати речь какую, к тому еще иже по разностям материи нужда бывает и начала разныя творити.<… >

<…>Четыре токмо правила полагают риторове о начале слова:

1– е правило – явити, коим намерением хощеши беседовати;

2– е правило – известити, о которых вещах речь твоя будет;

3– е правило‑что в нем хощеши научити;

4– е правило – просити слушателей о прилежном послушании беседы своей.

Перво – смотрити самую вещь, о которой поучение будет, яже аще велико, похвално есть и торжественно ликуется, уничижиши самого себе, исповедаючи неудобность твою во еже достойно глаголати о ней, и приточиши или подобия или прилоги к тому приличныя, например, рекше: суета есть прибавляти солнцу света или морю воды, не мощно человеку очима отверстыма долго зрети на солнце, иже Моисей, глаголя с Господем Богом на горе, лица его превеликость славы Божия видети не могл.

Во второе, смотри слушателя, пред которым поучение твориши, пред учеными убо вышния формы употребиши филосовския. Филосовския формы вышшее и мудрейше форм риторических, а богословские достойнейше форм филосовских, но и между риторскими не все равни суть. Третия форма болшую остроту являет проповедника, наипаче егда пред мирскими мудрецами речь имеет, иже не тако духовными, яко политичными беседами удовляются. Вторая беседа риторическая совершеннейша, нежели первая, но и первая честнейшая бесед оных, которыя никакия мудрости в себе не имеют, но без порятку в одну в кучу собирают ими взятые вещи, из книг чюжих поучений или собою выдуманы сверх того.<… >

В 3-е, смотри времена и места, в которые научаеши, в радостное убо время глаголати о печалных вещах или во время кручиное беседовати о радостных нерасуднаго человека есть.<… >

В четвертое прилежно разсмотри фему, о чем глаголет.<…>

В пятое смотри, каковая есть фема твоя: ясная или прикрытая и недоуменная, единочастителна или на многия части пределенна.<… >

Вторая сия форма риторическая четыре имеет части: начало, повесть, подтверждение и окончение.

В творении начала три дела творити повелевает риторика: ис‑кати милости слушателей, просити о прилежном послушании, известити о вещах, яже в поучении творити придумал еси.<… >

Повесть риторове тоже быти сказуют, что предложение или изъявление, о чем поучение будет, рече убо, иже в поучениях не надобно повести инной, кроме сей, которая порядок вещей впредь глаголати подобающих сказует. Правила о повести трои полагает риторика: первое правило – да будет повесть краткая; второе правило – да будет повесть ясная; третие правило – да будет повесть доводная.<… >

О подкреплении два правила полагает риторика: свою вещь подкрепити и противная речению своему уличити, еже по наставлению риторики двои яко деется: и приточением вин, вещь сказанную подкрепляющим и пространием от 16 мест риторице самовластных, от нея неотделимых, по простому толкованию рекши ритором внутренних, яже емлются: от описания вещи предложенной, от пределения ея на части своя, толкования имяни, от спряжения, от рода, от вида, или формы, от подобных, от противных, от припинаемых, от предидущих, от последующих, от невмещаемых действ купно, от вин, от сотворенных винами, от верстания вещей болших с меншими, менших з болшими и равных между собою.<… >

Конклюзия или окончение слова есть четвертая и последняя часть другой формы риторической. От сей два правила полагает риторика: первое правило‑чтобы пространно слово при кончении украсити; второе‑чтобы реченная во всем слове вкратце помянути.<… >

Книга сия философская, сложенная философом Андреем Христофоровичем, положенная вкратце от девяти существ, такожде и случаев и прилагаемых соборных и разсмотрителных ради способствия ко изобретению и описанию и определению риторичному.

Вопрос: Что есть риторика?

Ответ: Есть художество краснословно глаголати.

Вопрос: Кая есть вина внимати риторике?

Ответ: Нужда, честность, угодие.

Вопрос: Кой есть конец и должность риторики?

Ответ: Научити, возбудити, утешити.

Вопрос: Колико есть родов риторики?

Ответ: Три: объявляющий, советующий и судящий.

Вопрос: Колики есть части риторики?

Ответ: Приискание, описание, пределение.

Вопрос: Что есть приискание?

Ответ: Есть выдумание предлога, о котором хощеши глаголати и придания вещи твоей угоднаго.

Вопрос: Сколь кратно суть вещи?

Ответ: Сугубо: существително и прилучаваемое.

Вопрос: Сколь много есть вещей существительных или подлогов?

Ответ: Девять: Бог, Аггел, Небо, Человек, Душа, Чювственная, Прозябающая, телеса Саморожденная, Неподвижимая, орудие или художество.

Вопрос: Много ли есть родов прилучения? Ответ: Девять: Великость, Качество, Другаго знаменование, Деяние, Страдание, Время, Место, Положение, Имение.