Псалом – 13
Зло дело твое, печалию к радости придет. – От дуба, человече, в дубраву не мечися: убог еси, человече, мыслиши из добрые воли на лихое дело на проклятое. Несть пользы николиже; молися Богу, совершится на радость.
Псалом 14
Веруй всем сердцем: сбудется. – Яко же виноград и ягоды все светло, от всего винограда, как поспеет, весь мир озобает; так ты, человече, скорбиши о последней печали, возрадуешься. Бог тебе на помощь.
Псалом 15
Дело твое с печалью, радость примешь. – Человече, не мечися из доброй воли на лихое, проклятое; несть пользы николиже, молися Богу: свершится, на радости будет.
Псалом 16
Долгота животу приходит. – Яко голубь летит в иную страну, тамо хочет сыт быти и дети своя насытити, и опочинутися. так и ты, человече, возрадуешься орудию твоему. Бог тебе на помощь.
Псалом 17
С пакостию дело твое приходит. – Стоит древо зеленое, листие уныло у него, а цвет зелен; так и ты, человече, не вовремя унываешь, не твори орудия сего, не добро будет.
Псалом 18
С пакостию и трудом дело се. – Якоже ластовица совьет гнездо себе в прутие березовом, и пришед злая змия-скорпия дети ея пояла, и вострепетала ластовица и села, верх сыра дерева сердечи, горько плачучи; так и ты, человече, вострепещеши в тот день; нее вовремя ти будет; не твори орудия сего.
Псалом 19
Велика благодать ти будет. – Якоже заря весь мир просвещает, так и ты, человече, орудие твое просветится. Бог тебе на помощь.
Псалом 20
Велика благодать ти будет, Помилует тя Бог. – Якоже жена дитя родити начнет, велики печали начнет и тужити, что умрет или живо будет отроча; когда родит, возрадуется по рождению: так и ты, человече, возрадуешься орудию своему. Бог тебе на помощь.
Псалом 21
Мнози врази восстанут на тя. – Злой час плачет, а убожие бороду дерет, врази разойдутся, печаль придет. О, горе, беда, погибель! Тако и ты, человече, лишися орудия сего: несть пользы.
Псалом 22
От печали в радость приходит. Зла избавляет некую жену от диявольские лети и от еллинския руки; так и ты, человече, избавлен будеши и от печали в радости от смерти в живот приходишь. Бог тебе на помощь.
Псалом 23
Пострадавшие и спасешиеся. – Рече Господь человеку: орудие твое связано было, а ныне от Бога разрешено будет: малое время потерпи. Бог тебе на помощь: от печалив радость приходит орудие твое.
Псалом 24
Молися Господу Богу, и поможет ти. – Господь Бог рече человеку: ничего не думай зла дела. Бог помощник и великий Мина[14] от печали избавит тя; но не тужи, пойди на свое дело с Богом, где хочеши, там ти добро будет. Бог тебе на помощь и великий Мина от печали избавит тя.
Псалом 25
В свет приходит орудие твое. – Якоже корабль правится веслы своими на море и приде на место; так твой промысел извлечется, да исправит ны Бог, посе печали радость будет. Бог тебе на помощь и великий Стефан служитель.
Псалом 26
С трудом дело твое будет. – Рече Господь человеку: твори, человече, еже хощеши, не рцы того, будет ли, или не будет, но от Бога ти будет; молися Богу: поможет ти Господь в орудии твоем.
Псалом 27
Измени дело твое. Зло мыслиши на сердце своем о своем орудии, и не веси творити кое; и ты, человече, измени орудие свое: несть ти на пользу дело твое.
Псалом 28
Помолися, услышит тя Господь Бог. – Святый Василий Кесарийский рече человеку: сего орудия не твори; вопросися с большими: как ти велят, так и твори. Бог тебе на помощь и великий Василий во орудии сем.
Псалом 29
С трудом орудие твое будет, – рече Господь человеку, – об орудии сем не печалуйся; изгнан будеши из дому твоего, индеше пойдеши, тамо тебе добро будет. Бог тебе на помощь по орудии сем.
Псалом 30
Се дело не твое, делай его, же хощеши. – Помыслишь если, человече, на сердце твоем; будеши прав; и ты, человече, твори; еще не прав будеши, лишишься орудия сего; несть ти на пользу.
Псалом 31
От печали к радости сбудется дело сие. – Рече Господь человеку: якоже семя сееши в землю, и возрастут, так и ты, человече, орудие твое корыстно есть. Бог тебе на помощь и пособник.
Псалом 32
Помолися Богу, сбудется дело твое. – Якоже храбрый муж пойде на противника своего, извлечет оружие свое и не будет ему противника: так и твоему, человече, орудию, не будет противника. Бог тебе на помощь.
Псалом 33
Не тужи, помилует тя Бог. – Обнови душу свою покаянием; почто оскверниши. Правдою, человече, ходи: добро ти будет. В орудии сем Господь помощник тебе.
Псалом 34
Его же просиши, будет ти. – Рече Господь человеку: прелесть дееши по орудии сем. Отыди от дела сего, возьми разум к Богу, да не погибнешь: добро ти будет.
Псалом 35
Покайся да не внидешь в искус. – Яко же речении человеку: мысли на сердце своем об орудии сем, лишишься орудия своего; несть ти на пользу. Но на прю не ходи, ни друга не слушай, лихо орудие се.
Псалом 36
Его же просиши, будет ти. – Святый Георгий речет человеку: мыслиши на сердце своем, сбудется. Бог тебе на помощь и святый Георгий во орудии сем.
Псалом 37
Его же просиши, не будет ти дела. – Рече Господь человеку: от света сего хочеши идти во тьму; и ты, человече, отыди от дела сего, несть ти на пользу.
Псалом 38
Несть здесь того. – Олово со златом разделяется, не делано погибнет: тако ты, человече, мыслиши дело твое; прокуды в орудии сем, без вести погибнет. Спождание будет.
Псалом 39
Господи надейся, человече. – Надейся, человече, на Бога во орудии твоем: добро ти будет. Бог тебе на помощь.
Псалом 40
Разумеваяй, его же хощеши. – Рече Господь человеку: (что) мыслиши на сердце, то твори, а лихих дел не думай: без беды и без печали избавлен будеши. Бог тебе на помощь.
Псалом 41
Сохранит тя, чадо, Господь в деле сем. – Рече Господь человеку: велико дело просиши дару у Бога; мало времени потерпи: твое дело не срамно будет ти; не тужи: после печали радость будет. Бог тебе на помощь.
Псалом 42
Сбудется добро. – Рече святый Симон: пчела летит на красен цвет и сбирает сладость, святым церквам на каноны: так и ты, человече, мыслиши на сердцы, радостию совершится. Бог тебе на помощь.
Псалом 43
Дело твое совершится. – Глаголет святый Марко: человече, во глубинах морских ходиши; возьми разум к Богу, да не погибнеши. Святый Марко-евангелист во орудии сем пособник.
Псалом 44
Дело приходит. Святые отцы Косьма и Дамиан рече: что мыслиши на сердце твоем, твори, человече: не будет ти пакость. Бог ти на помощь и святые Косьма и Дамиан.
Псалом 45
Не печалуйся: будет ти добро. – Святая Пятница держит кресты во орудии сем. Есть на тя врази в деле сем, но ничем тя не навредят. Бог тебе на помощь и Святая Пятница.
Псалом 46
Великое дело дано се дано ти, на свет приводит. – Аще есть щит, на нем заяц бел сидит, и прилетел ангел и понес на небеса, а тут села сова; тако и ты, человече; мыслиши правдой жити, придет орудие твое в радость и веселие.
Псалом 47
Тяжко дело се на свет приходит. – Рече апостол Павел: человече, мыслеши и надейся, а есть чудно дело твое, о нем же вопрошаеши. Святый Боже, иже питаеши, только праведно ходиши. Добро ти будет во имя Господне.
Псалом 48
Радость сердцу твоему будет. – Якоже заря весь мир освещает, так и орудие твое светло просветится. Бог тебе на помощь в орудии твоем.
Псалом 49
Истинно дело се будет. – Рече Господь человеку: ее уготованная впредь благая земная прилагают вернии и предлагают ветры, море си уляжется и утихнет, солнцу светло на всех сияет; так и ты, человече, и твое орудие; после печали радость придет и корысть дело твое. Бог тебе на помощь.
Псалом 50
Помолися Богу, дело твое добро будет. – Рече Господь человеку: что мыслиши на своем сердце, наступай и согна неприязненных, отыди от дела се, возьми разум к Богу, да добро ти будет. Бог тебе на помощь во орудии сем.
Псалом 51
Измени мысль свою, не твори дела своего. – Что, человече, на сердце своем мыслиши, не твори того: нет ти на пользу; во орудии сем с пакостью и трудом приходят; орудие твое будет [без успеха].
Псалом 52
Покайся, да не внидоши в напасть. – Рече Господь человеку: ты мыслиши на сердце своем злую мысль – несть пользы в ней. Уклонися от нее, сотвори благо. Бог тебе на помощь. Аще не сотвориши добра, несть ти пользы.
Псалом 53
Не будет орудия сего тебе. – Град есть каменен, вереи железны, врата медные твердо заключены. О, человече, не ступай на острое оружие, не погуби души своей, от зла; лишишься орудия своего; несть ти пользы.
Псалом 54
Услышит Господь молитву твою. – Рече пророк Иона человеку: возопих в печали моей ко Господу Богу моему, услыша мя из чрева адова вопль мой.
