Иной тропарь, глас 5
Чудеса святых Твоих мученик стену необориму нам даровавый, Христе Боже, тех молитвами советы языков разори, Церковь святую укрепи, яко един Благ и Человеколюбец.
(Перевод: Чудеса святых Твоих мучеников как стену неприступную Ты даровал нам Христе Боже; по молитвам их замыслы язычников расстрой, могущество христиан укрепи, как Один Благой и Человеколюбец).
Кондак, глас 2
Светильницы светлии явльшеся, божественнии мученицы, тварь всю светлостию чудес озаряете, недуги разрешающе и глубокую тьму всегда отгоняюще, Христу Богу молящеся непрестанно о всех нас.
(Перевод: Светильниками светлыми явившись, божественные мученики, вы все творение сиянием чудес озаряете, недуги исцеляя и глубокую тьму всегда прогоняя, молясь Христу Богу непрестанно о всех нас).
Тропарь, глас 4
И нравом причастник, и престолом наместник Апостолом быв, деяние обрел еси, Богодухновенне, в видения восход, сего ради слово истины исправляя, и веры ради пострадал еси даже до крове, священномучениче (имя), моли Христа Бога спастися душам нашим.
(Перевод: И нравам Апостольским сопричастником и престола их наследником став, делами ты, богодухновенный, восхождения к созерцанию достиг; потому слово истины право возвещая, ты за веру пострадал до крови, священномученик (имя), ходатайствуй пред Христом Богом о спасении душ наших).
Иной тропарь, глас 4
Благости научився, и трезвяся во всех, благою совестию священнолепно оболкся, почерпл еси от сосуда избраннаго неизреченная и, веру соблюд, равное течение совершил еси, священномучениче (имя), моли Христа Бога спастися душам нашим.
(Перевод: Добродетели обученный и умеренный во всем, доброй совестью достойно священства облеченный, ты от Павла почерпнул – сосуда избранного – неизреченное и, веру сохранив, окончил равный с ним путь, священномученик (имя), ходатайствуй пред Христом Богом о спасении душ наших).
Кондак, глас 4
Во святителех благочестно пожив и мучения путь прошед, идольския угасил еси жертвы, и поборник быв твоему стаду, богомудре. Темже тя почитающе, тайно вопием ти: от бед избави ны присно твоими мольбами, отче наш (имя).
(Перевод: В сане святительском благоговейно послужив и мучения путь пройдя, ты упразднил идольские жертвы и стал защитником твоего стада, богомудрый. Потому, почитая тебя, таинственно взываем тебе: «От бед избавляй нас всегда твоими мольбами, отче наш (имя)!»).
Тропарь, глас 4
Боже отец наших, творяй присно с нами по Твоей кротости, не отстави милость Твою от нас, но молитвами их в мире управи живот наш.
(Перевод: Боже отцов наших, всегда поступающий с нами по Твоей кротости, не удали милости Твоей от нас, но по их мольбам мирно жизнью нашей управляй).
Кондак, глас 3
Яко светильницы незаходимии разумнаго солнца, сошедшеся днесь восхвалим песньми, возсияли бо есте сущим во тьме неразумия, всех созывающе к высоте благочестия, священномученицы. Тем вопием вам: радуйтеся, постников всех основание.
(Перевод: Вас, подобных светильникам неугасимым Духовного Солнца, в сей день собравшись, восхвалим песнопениями, ибо воссияли вы пребывающим во тьме неразумия, всех призывая к высоте благочестия, священномученики. Потому мы возглашаем вам: «Радуйтесь, всех постников основание!»)
Тропарь, глас 8
В тебе, отче, известно спасеся еже по образу: приим бо Крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней, темже и со Ангелы срадуется, преподобне (имя), дух твой.
(Перевод: В тебе, отче, точно сохранилось то, что в нас по Божию образу: ибо взяв свой крест ты последовал за Христом, и делом учил пренебрегать плотью, как преходящей, заботиться же о душе, творении безсмертном. Потому и радуется с Ангелами, преподобный (имя), дух твой).
Иной тропарь, глас 4
Постнически преподвизався на горе, умная врагов ополчения всеоружием Креста погубил еси, всеблаженне, паки же ко страдальчеству мужески вооружился еси, убив Копронима мечем веры; и обоих ради венчался еси от Бога, преподобномучениче (имя), приснопамятне.
(Перевод: Сначала в посте подвизаясь на горе, полчища невидимых врагов уничтожил ты оружием Креста, всеблаженный; а затем и к страданию мужественно вооружился, поразив гонителя мечом веры, и за оба эти подвига увенчан был от Бога, преподобномученик (имя) вечно памятный).
Кондак, глас 2
Яко постника благочестна и искусна, и страдальца произволением честна, и пустыни жителя сообразна, в песнех достойно восхвалим (имя) приснохвальнаго, той бо змия попрал есть.
(Перевод: Как постника благочестивого и искусного, и добровольного страдальца досточтимого, и жителя, для пустыни подходящего, в песнопениях по достоинству прославим (имя) всегда восхваляемого, ибо он змия попрал).
Тропарь, глас 4
Агница Твоя, Иисусе, (имя) зовет велиим гласом: Тебе, Женише мой, люблю, и, Тебе ищущи, страдальчествую, и сраспинаюся, и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою, но яко жертву непорочную, приими мя, с любовию пожершуюся Тебе. Тоя молитвами, яко Милостив, спаси души наша.
(Перевод: Агница Твоя, Иисусе, (имя) взывает громогласно: «Тебя, Жених мой, люблю, и, Тебя ища, страдаю, и распинаюсь и погребаюсь с Тобою в Твоем крещении, и терплю муки за Тебя, да царствую в Тебе, и умираю за Тебя, чтобы и жить с Тобою; но, прими меня как жертву непорочную, с любовью принесенную Тебе!» По ходатайствам ее, как Милостивый, спаси души наши).
Кондак, глас 2
Храм Твой всечестный яко цельбу душевную обретше, вси вернии велегласно вопием ти, дево мученице (имя), великоименитая, Христа Бога моли непрестанно о всех нас.
(Перевод: Храм твой всесвященный обретя как исцеление для душ, все мы, верные, громогласно взываем тебе: «Дева мученица (имя), чье имя славно, Христа Бога моли непрестанно о всех нас!»)
Тропарь, глас 1
Агницы словесныя Агнцу и Пастырю, приведостеся мучением ко Христу, течение скончавше и веру соблюдше. Темже днесь радостною душею совершаем, досточуднии, святую вашу память, Христа величающе.
(Перевод: Агницы разумные к Агнцу и Пастырю Христу вы приведены были мучением, путь свой завершив и веру сохранив. Потому в сей день с радостною душою мы совершаем, о удивления достойные, святую вашу память, Христа величая).
Кондак, глас 4
Страстотерпиц Христовых память празднуем, и верою просяще помощи избавитися всем от всякия скорби, зовуще: Бог наш с нами, Иже сих прославивый, якоже изволи.
(Перевод: Страстотерпиц Христовых память будем праздновать, и с верою просить о помощи и избавления всех от всякой скорби, взывая: «Бог наш с нами, их прославивший, как Он Сам благоволил!»)
Тропарь, глас 8
В тебе, мати, известно спасеся еже по образу, приимши бо Крест, последовала еси Христу, и деющи учила еси презирати убо плоть, преходит бо, прилежати же о души, вещи безсмертней, темже и со Ангелы срадуется, преподобная (имя), дух твой.
(Перевод: В тебе, матерь, точно сохранилось то, что в нас по Божию образу: ибо взяв свой крест ты последовала за Христом, и делом учила пренебрегать плотью, как преходящей, заботиться же о душе, творении безсмертном. Потому и радуется с Ангелами, преподобная (имя), дух твой).
Кондак, глас 2
За любовь Господню, преподобная, покоя желание возненавидела еси, пощением дух твой просветивши: крепко бо звери победила еси; но молитвами твоими противных шатание разори.
(Перевод: Ради любви ко Господу, преподобная, ты желание покоя возненавидела, постом дух твой просветив, ибо мужественно победила зверей; но молитвами твоими и восстания на нас противников расстрой).
Тропарь, глас 2
Истинному желанию уневестившеся, христославнии, и временнаго обручника отвергшеся совокупления, и добродетельными подвиги возрастше, на высоту востекосте нетления, краснодушнии и многобогатнии, столпи монашествующих жен и правило, темже о нас молите непрестанно, любовию вашу память празднующих.
